Barn tekur yfirleitt ekki upp á því að nota ljótt orðbragð án þess að hafa fyrirmynd fyrir hegðuninni. Gjarnan sjá börn sem nota ljótt orðbragð aðra fá eftirsóknarverð viðbrögð við hegðuninni og grípa síðar hennar þegar þau þurfa á að halda.
Athugið að um Tourette heilkenni gæti verið að ræða. Ef markvisst inngrip hefur engin áhrif eða ef orðbragðið virðist vera ósjálfrátt er mikilvægt að leita ráða hjá þeim aðilum sem annast tilvísun eða ráðleggja varðandi tilvísanir í þínum skóla og skoða hvort leita þurfi fagaðstoðar fyrir barnið.
Þar sem ólíkir umhverfisþættir geta kallað fram og viðhaldið ljótu orðbragði barns skiptir máli að velta fyrir sér hverjir þessir þættir geta mögulega verið áður en inngrip er búið til. Gott er að hugsa út í: Hvað virðist oftast hafa áhrif á hegðun barnsins? Er athygli frá kennurum og/eða nemendum að viðhalda hegðuninni? Kemst barnið undan verkefnum, fyrirmælum eða öðru í kjölfar hegðunarinnar? Virðist barnið hafa ánægju af hegðuninni sjálfri, án utanaðkomandi áhrifa? Eru allir þessir þættir að hafa áhrif á hegðun barnsins?
Þegar umhverfisþáttur stjórnar hegðun með því að kalla hana fram eða viðhalda henni er sá umhverfisþáttur oft nefndur tilgangur hegðunar.
Hér eru annars vegar ráð sem eru gagnleg til þess að hafa áhrif á ljótt orðbragð óháð tilgangi hegðunar.
Hins vegar eru svo ráð út frá mismunandi tilgangi hegðunar. Farið er þar yfir mögulegar orsakir fyrir notkun barns á ljótu orðbragði og viðeigandi ráð.