Aferlisstefnan gerir ráð fyrir að hegðun fari að lögmálum þar sem aðdragandi hegðunar eykur eða dregur úr líkum á henni vegna fyrri tengsla hegðunar við afleiðingu hennar. Rannsóknaniðurstöður á mörgum mismunandi fagsviðum hafa endurtekið rennt stoðum undir þessa forsendu. Afleiðing hegðunarinnar eykur tíðni hennar eða minnkar. Hegðun hefur áhrif á umhverfið/aðstæður þar sem hún á sér stað og umhverfið/aðstæður hefur/hafa til baka áhrif á hegðunina þess vegna er hægt að breyta hegðun með því að hafa áhrif á umhverfið/aðstæður.
Hagnýt atferlisgreining er vísindagrein runnin af atferlisstefnunni sem vinnur að því að finna hvert sambandið er á milli hegðunar og umhverfis, hvernig samspilið milli hegðunar og umhverfisbreyta/aðstæðna er og hafa síðan áhrif á hegðun með því að grípa inn í þetta samspil. Inngrip eru áhrifaríkari þegar þau miða að því að brjóta upp sambandið á milli hegðunarinnar sem um ræðir og styrkingarinnar sem hefur viðhaldið henni, eða styrkingarleysinu sem hefur verið til staðar og leitt til þess að hegðun á sér ekki stað, frekar en að hafa áhrif á hegðun með umbunum eða refsingum sem einhverjum dettur í hug að væri sniðugt eða dugðu fyrir einhverja aðra en eiga ekki samband við hegðunina sem um ræðir.
Út frá atferlislögmálum hafa verið hannaðar námskrár, kennsluaðferðir og hegðunarstjórn í kennslustundum. Einnig hafa verið þróaðar leiðir til þess að alhæfa og viðhalda þeirri þekkingu sem lærist í kennslu. Rannsóknir á kennsluháttum hafa sýnt fram á að námskrár og kennsluaðferðir sem byggja á lögmálum hegðunar eru áhrifaríkar í kennslu allra barna og fólks á öllum aldri almennt.
Kennsluaðferðir sem byggjast á vísindalegri nálgun hagnýtrar atferlisgreiningar má lesa nánar um hér, einnig um tól sem notuð eru til að meta hvort nám hefur orðið og hversu hratt hún er að eiga sér stað auk þess að lesa um skóla í Seattle í Bandarikjunum þar sem þessi tæki og tók hafa verið notuð í nokkra áratugi með miklum árangri: