Með fimi (fluency) er átt við að einstaklingur getur sýnt ákveðna færni ósjálfrátt og án þess að hugsa sig um. Að ná fimi krefst mikilla æfinga í því sem verið er að tileinka sér. Frammistaðan verður að vera áreynslulaus, hröð en nákvæm. Það að öðlast fimi í mörgu og alltaf í hverju nýja atriði sem einstaklingur tileinkar sér getur orðið til þess að námshraðinn almennt hans aukist. Fimi ýtir undir alhæfingu færninar sem er lærð, kemur í veg fyrir að truflanir hafi áhrif á frammistöðuna ef eitthvað óvænt kemur upp á síðustu stundu og stuðlar að langtímafærni (minni). Algengt er að fimi sé mæld með mínútu mælingar í færninni sem um ræðir. Nauðsynlegt er að skrá niður frammistöðuna í hvert skipti og athuga hvort frammistaðan á mínútu batnar með endurteknum æfingum, t.d. fer reikningsgetan úr 0 af 10 í eina mínútu í 1 af 10, svo í 3 af 10, svo í 5 af 10, svo í 8 af 10 og loks í 10 af 10 á mínútu og kannski síðar 10 af 10 á 40 sek? Nái nemandi sem er að læra að reikna alltaf fimi í hverju atriði reiknings, sem hann er að læra hverju sinni, mun hans námshraði í reikningi aukast smátt og smátt, hann mun truflast lítið af utanaðkomandi áreitum þegar hann sýnir frammistöðu, hann mun geta sýnt færnina í mörg ár þó hann hafi ekki æft sig nýlega, og hans frammistaða verður áreynslulaus, hröð og nákvæm. Auk þess mun hann geta nýtt þekkinguna í ný verkefni þar sem þekkingin á við. Mikilvægt er að nemendur nái fimi í grunnfærni því ef þeir eru ekki færir í grunnfærni er erfiðara að byggja upp flóknari færni. Dæmi um grunnfærni þar sem fimi er nauðsynleg er margföldunartaflan, reikniaðgerðir, lestur og orðaforði.