Ef áhyggjur koma upp af heyrn eða tjáningu er gjarnan beðið um mat á þessum þáttum hjá Heyrnar- og talmeinastöð Íslands þar sem stöðin sér um heyrnarmælingar, greiningu og meðferð á heyrnar- og talmeinum. Á stöðinni er veitt fagleg ráðgjöf og þjálfun og endurhæfing fyrir heyrnarlausa, heyrnarskerta og þá sem eru með heyrnar- og/eða talmein.
Stöðin veitir þjónustu á landsvísu. Læknar, hjúkrunarfræðingar á heilsugæslu barnsins, talmeinafræðingar, sálfræðingar, deildarstjórar/leikskólastjórar á leikskóla barnsins eða foreldri barnsins geta sent beiðni um mat á heyrn og tjáningu til stöðvarinnar.